ASO PIISAN MAMABO POSOSOI DI VISI MISI MEMBANGUN DO RUNGUS

KOPIVOSIHAN.

Tumimpa oku di Forum " Nokokuro tu mosikim i Rungus?":
Dohon do pendapat antara o sabap dau:
1. Nubas do baiko gumama mutagad ( it ongo angaaki om molohing tokou)
2. Amu po kaharati koviai mancahari (berniaga)
3. Varo sumber iadko tana nga amu usahaon
4. Mad ubas do bermusim gumama
5. Aso Visi om Misi do rikoton
6. Penggalak/pendorong karajaan ko Ngo okudik om perlu pertingkat
7. Okurang po motivasi peningkatan ekonomi diri.

Ogumu po vokon. Baiko moniim oku diti.

amojinggal wrote:

KOPIVOSIHAN.

Tumimpa oku di Forum " Nokokuro tu mosikim i Rungus?":
Dohon do pendapat antara o sabap dau:
1. Nubas do baiko gumama mutagad ( it ongo angaaki om molohing tokou)
2. Amu po kaharati koviai mancahari (berniaga)
3. Varo sumber iadko tana nga amu usahaon
4. Mad ubas do bermusim gumama
5. Aso Visi om Misi do rikoton
6. Penggalak/pendorong karajaan ko Ngo okudik om perlu pertingkat
7. Okurang po motivasi peningkatan ekonomi diri.

Ogumu po vokon. Baiko moniim oku diti.

1. Nubas do baiko gumama mutagad ( it ongo angaaki om molohing tokou)
Dohon dot pomurimanan itit mutagad diti banal ko avantang om iso ot basic dot ulun tokou. Minsan poma ko yadino..amu dati agasan ong antad po dit gulu nga iri no iri dot darjah satu. Iti imot ku diti banalko avantang tu kaharati tokou dot asas momutagad baiko aso ot ponguagan dot kuran kumaa sid menengah itit gama di tokou mutagad.

Avasi ti tobpinai itit nubas tokou mutagad nga iti ot amu avasi amu noko itung dot kuran patangkus sampai varo retan dot update ot cara bertani. Potoruson itit mutagad diti nga suvai-suvazon tokou ot gama inono kamaon tokou vagu itit koubasanan mutagad diti dot dang biano-no ot gama. kreativiti sangat di tuntut dalam hal ini.

2. Amu po kaharati koviai mancahari (berniaga)
Iti no retan ko momidagang diti, ong otopot no bansa do momogun rungus diti gamko momidagang sid isan rahat. antad po kodori iti momogun rungus andang nga nakatanda dot momidagang sid isan dot rahat. amu kaharati momidagang ot ongo kadazandusun kaharati no ot momogun rungus momidagang.

Iti ritan dot Bandau diti mozo dot tuturan tokou kodori yi Aki rungsud ot minomuka om momidagang yoti sid isan dot rahat. okon ka ko kaharati yoti diti berniaga? memang kaharati mozo dit zaman dioti ot cara gam ko momogun ot mangagama dot hoturan momidagang sid isan rahat antad po kodori sitid utara sabah diti bandau, pitas ko kudat.

Amu po kaharati mangagam dot tasin ot kadazandusun, ditokou dot rurungan varo no pongoritan dot Magasin om Magapuw sid isan dot rahat inono ot musim dau opongo ot kokotuan. gam torikon dot karabau ot kogumu dot tasin om tapuw ot pinggamaan dot ongo aki tokou.

Biano diti.. varo no ot kinasalzaan tokou solumpak vagu kanangan ko itrit horogo dot koubasanan bansa tokou. sabap pogi diti okonko amu kaharati tokou momidagang nga iti no ot nasala ditokou biano amu tokou nokotingan tumiim mangupdate itit gama tongoaki tokou mogkoposizan. Perlukan di update dgn cara zaman ini.

3. Varo sumber iadko tana nga amu usahaon
Iti ot banalko kabvalud diti bansa tokou. ong it kodori ong varo ot bansa vokon[mizon vaig] mongukad dot tanah sampai duvo langod nakasala tu adat do momogun baiko momogun ot varo ot sabap manansanganu dot tana. asanggup it ongo aki kodori migaras dot mizon vaig tu pingkakat ditit kasanganuvan dau dot pitanaon. biano nopo ogumu ot bansa tokou dot pojuval dot tanah. aso no ot hobo di tokou dot mangapad dot pomogunan dot momogun. mungkin tu kiongo sikul tokou no jadi humarap banal tokou diti sikul ditokou sampai nolingan no di tokou it kosog tongo aki kodori sampai minisinrongit yoti sitid pitanaon mangajaga doy kedaulatan bansa momogun. Biano po okon noko sumusui tokou dit ongo aki kodori tu minggaras dot mizon vaig nga suvai ko unopod ot gama tokou mihatul dit nunu nopo ot tanah do momogun tahakan tokou dot horogo tagazo ong okon ko bansa tokou ot dumagang antava nga yad ko it sid milou ot kes.

bahagi ko it momogun dot kiongo tana..operlu dot varo ot galakan supaya kuminam no yoti pinoko kiriu-kiriu dinot tana dot pintanaman do vonodon [getah], sawit atau nunu nopo ot varo pasaran.


4. Mad ubas do bermusim gumama
Iti diti yadko it pinibibinsangan dahai memang mad nobulzudan om nakagasan banal dot musim iti gama tulun tokou gumama. 4 vulkan no mitagad om iri ogi it vokon ot masa kogumuai amu avasi banal ot gama monuvang dot gagamaon.

Atalzahas ong kodori tu opongo nopo kokotuan misulap no sid isan rahat tu magasin om magapuw no yoti. iti nopo tasin om apuw diti ot kogunaan dau pakazon manamong atau oviton tumarang atau stok sontoun sabap pogi om asin dioti nga operlu dot karabau ot panarik.

5. Aso Visi om Misi do rikoton
Iti diti mad memang abanal. varo misi nga baiko dang jangka pendek sid onggo anokopiro vulan. nah iti diti aso ot wawasan jangka panjang.

6. Penggalak/pendorong karajaan ko Ngo okudik om perlu pertingkat
iti hal diti varo ong varo ot dang kerajaan nga mad itokou nga amu banal aparadsou mongimpa dot ong plan dot karajaan. amu ogi apasti ku dot iti yaditi operlu dot onsug antad sid pemimpin rakyat atau tindakan peribadi kondiri...

nga iti diti nokopiantu ot ulun tokou nga amu aparu mongimpa polzuvang, om yadino e it ongo wakil2 pemimpin nga mad amu aparadsiu banal.. ong pahalzason sino. nga kosuramaan ku..avantang dati ong antad sid kondiri dau ot motivasi.

7. Okurang po motivasi peningkatan ekonomi diri.

memang aso ot motivasi kogumuan. varo ot ongo kinginan iti ino nga mad aso po ot kosog dot banal ko bulzavan.

KOPIVOSIHAN:

Sokoviai iti pendapat diti memang otopot om iti diti fakta ong otopot no. Iti duatan, nokuro tu mosikim tokou banal ( rungus )? Jadi obuli dot piduvoon iti gama mangaharati om gama mibincang:-

1. Nokuro tu mosikim tokou antad dit gulu sampai om didino?
Na iti diti hal dot kenyataan om najadi no dot sejarah, amuno milod simbanan po tu nakatalib no. Kuran po ma, iti banal ko oponting tu sbg rujukan om analisis tokou nokuro tu najadi? Ong iti najawapan no secara ringkas termasuk it ulasan di alo amojinggal om i bobolizan. Sudah tentu dot tanid ko ino ogumu po ot sabab; mungkin iti nga sabab e dau:-
a) amu milo sumolon dot komojuan dot bansa vokon secara positif
b) It mangagazad ( pemimpin) ditokou amu po insan pagavi dot pamaju dot bansa
c) It ulun dit avaro-varo amu po ingin monuduk dit ulun vokon, tu rumosi dati dot otoliban yosido.
d) Aso puruvan, pisompuruvan atau gama misamung dit ongo leaders- iti diti banal ko oponting om kimozo oku dot sabab utama dot kinagamaan diti umpug tokou diti nga iti no.

2. Nokuro tu mosikim tokou po? Nunu po ot kotobon? Nunu ot misti gamaon?
Selagi amu simbanan ditokou iti sikap ditokou, selagi diti dot aso tinudan. Kimozo oku ong iti ahli dot umpug diti napampanan no om noporompon no ot izon dot pongitungan, jadi maksud ku it ulun tokou kinogumuai. Sikap-sikap dit kotobon:-
a) aso rajawan ( perancangan ), nunu ot gamaon om kuran pagama? -5D related
b) rumosi nopo ko obingkarap ( gagal ) not dare ti fail- related - babolizan.
c) hipokrit - mising noko ilaan ngoviai tu omoluan ong mokituduk dot vokon- panakit torogot iti.
d) aso opindong ot ginavo (tdk ada tumpuan khas dan fokus) - mad sokokoviai nga pokiagamaan, impus-impus asot nunongol.

Na iti not doho dot ohobo, paling oponting ong imot ot ralan kuran mangazazak diti?

kuran no ot mangazazak diti? avagat iti ong amu mitatabang. suvai noko mi-irung tokou diti...

KURAN NO MANGAJAZAK?DOHON DO NUOG

A. KURAN TU MOSIKIM O RUNGUS?
MOSITI MOGIHIM TOKOU DO RALAN MONGOMOTIVASI DI MOMODGAMA SID GINAMAAN MUTAGAD KO KABUN IT ONGOULUN TOKOU TERUTAMA NO I SID KAMPUNG.
1. DIDINO DITI VARO RETAN DO PIISAAN PEKEBUN-PEKEBUN KECIL
2. VARO VAGU ISO O RETAN DO PERSATUAN PEKEBUN-PEKEBUN KECIL GETAH BUMIPUTRA SABAH.
NOTE: ONGUGON TOKOU IOTI MAMUNG DINO PIISAAN SID SAVAT DINO TU INO PERSATUAN DUVO SID SAVAT DINO VARO BONTUAN ANTAD SID PORINTA MELALUI DINO PERSTAUAN MONULUNG DI MOMODGAMA POSURUT DI GINAMAAN DAU.
NOTA;
SABAP POGI OM ITI UMPUG TOKOU DITI AVANTANG ONG VARO JAWATANKUASA KHAS MONGUOG SID HAL DITI OM ONG ADAPAT TOKOU MAGAGAMA TOKOU DO ISO UMPUG DI ONGOULUN KAMPUNG MANAHAK DO MOTIVASI OM HIZA DINO MOKITABANG DO PAGAWAI BERKENAAN OM IT ONGO PERSATUAN PAHABAL DITI POROMUT DIT ONGO POLUANG SID ONGO ULUN KAMPUNG.

PIISAAN MAMABO DO VISI MISI PEMBANGUNAN RUNGUS
1. I TOKOU NO DITI O RALAN KESO MITATABANG TOKOU BANAL MONGITUNG MOGIHIM DO KATAGAN. DUATAN DI RALAN KURAN TOKOU, DUATO TOKOU I KONDIRI TOKOU OM ONG ORIKOT NO IT UMPUG DO PALABUS DI NETUNG TOKOU MOSITI POBOROSON.
2. IT ULION TOKOU SID POLITIK I BANSA BANAL DO RUNGUS APATUT DO MONGULUVAN. ANDAHAO (OFFICIAL VISIT) TOKOU INO ONGO POMIMPIN TOKOU POLITIK NGA SOBULUM DINO MAGAGAMA DO KERTAS CADANDANGAN (MOZO DO KEUTAMAAN) GAMA MONGONSUG DIOTI SUPAYA MOSITI MAGAVI MOGIHIM RALAN POSURUT DI PEMBANGUNAN DO BANSA RUNGUS SECARA UMUMNYA.
3. I KESAAN DO RUNGUS ITI SAMORA ISO VAGU O RALAN TOKOU. AMU OKU KAPAT MOGULAS ONG ITI LUMBOTOSON KUNO AMU KU OHOROTIZAN ILO MISI DO POROSIDEN SAMORA. OPERLU TOKOU MOGUOG BERSAMA.

KASIP OKU ILO ONGO BANSA VOKON DI AMU PO AMAJU IOTI NGA IADKO I TOKOU JADI IADKO IT OPIBOROS TOKOU DIRI "ITI ONGO SINIKULON PONGILAAN OM PANGKAT DI TOKOU DIDINO DITI O HARTA KO RAPO KESO PAMAJU DI BANSA TOKOU RUNGUS.
TOKOU NO MIGAGAJAD, MITATABANG, MIROROGOB MOGUOG POSOSOI KO MEMARTABAT DI BANSA TOKOU RUNGUS.

TORIMA KASI.

Ogumu ot abarajal ku sidikou - bahasa rungus & idea. Torutama bahasa dialo Sunduvan (Jahudi) om tuan Thomas...mad miniakambong oku dinot perkataan pakazon dikou nga akhirnya kosondot ih sidohon ot harati.

tkasih

Mimang tomodon ku dot 100% ot rungus tu nunu mang malayu nga 100% ot otivol ku dot boros dot bansa vokon. Jd, iti no ot guna dt yaditi ot gama tu imatai no ma dino nga nadampal poka diri( varo no hasil). Kounsapatan tu ong otopot no mala banal ko otu'ud ot gama nu mamasa diti tongo nokotobilang ot post ( mad aso sid rungus ong post naku)